Fury i kërkon duel Wilderit, tallet me Joshuan

12:25 | 28 Qershor 2018
Arbresh.info

Boksieri britanik Tyson Fury ka deklaruar sot se është gati të ofrohet si vullnetar për t’u përballur me kampionin e botës në kategorinë WBC, Deontay Wilder, për titullin kampion që mbahet nga amerikani.

Kjo deklaratë e Fury, ish-kampion bote në peshën e rëndë, erdhi pas lajmit se sfida për unifikimin e titujve kampionë bote mes Joshua dhe Wilder nuk do të zhvillohet, pasi palët nuk kanë arritur në një marrëveshje mes tyre.

“Unë kërkoj ndjesë për ndonjë sjellje jo të përshtatshme ndaj Joshua dhe menaxherit të tij Hearn, pasi jemi nga i njëjti vend. Unë jam gati të dueloj me Wilder. Nëse ai do të më dërgojë një kontratë, do ta firmos atë brenda 10 sekondave”, u shpreh Tyson Fury, që u rikthye në ring më 9 qershor, pas një pushimi 2 vjeçar.

Fury mundi me “KO” në raundin e katërt Sefer Seferin dhe ka deklaruar se është gati të duelojë sërish më 18 gusht, por nuk dihet rivali.

Shpërndaje në rrjete sociale

Lajmet më të lexuara

Të ngjashme

Foto lajm